Manifesto pola constituiçom da Plataforma Antifascista Galega

Comité pola Memória Histórica do Val do Límia solicita adesom individual a esta importante e necessária iniciativa.

Um grupo de pessoas de distintos ámbitos de Galiza, diante da eclosom do fascismo, pensamos que som horas de tecer amplas unidades, horas de convergência antifascista, de generosidade e altura de miras.

O fascismo é a ferramenta que historicamente empregou a burguesia em momentos de profundas crises do capitalismo, para fazer frente às luitas populares.

Contrariamente ao relato oficial, no nosso país o fascismo nom finalizou com a morte na cama do ditador, que governou com mao de ferro desde o triunfo do golpe de estado do 18 de julho de 1936.

Desta urgente necessidade histórica as persoas assinantes impulsionamos a criaçom da Plataforma Antifascista Galega. Um espaço plural, inclusivo e transversal que, sem excluír ninguém, e com o denominador comum de combater o fascismo, tenta aglutinar um mosaico de forças e organizaçons políticas e sociais, e cujos objetivos som:

1º- Denunciar e alertar sobre a ameaça fascista e o seu projeto oligárquico e antipopular.

2º- Derrogar as diversas normativas que propiciam o avanço do fascismo: Lei de Amnistia, Lei mordaça, ………

3º- Movimentar o povo trabalhador galego contra esta ofensiva reacionária, e na defesa dos direitos e conquistas laborais e sociais ameaçadas.

4º- Desputar a hegemonia cultural e ideológica entre os setores populares.

Nom passarám!

Galiza, 30 de Maio de 2020

https://plataformaantifascistagalega.blogspot.com/

Xuño 7, 2020