Reediçom de “Saltando a raia”
A monografia de Román Alonso sobre a guerrilha republicana no suroeste ourensano (1939-1943), saiu novamente do prelo numha ediçom corrigida e aumentada.
“Saltando a raia” estuda a primeira experiência da resistência político-militar contra o fascismo que tivo lugar na Galiza. Com retaguarda nos montes de Castro Laboreiro, a unidade guerrilheira comunista comandada por Manolo, mais conhecido como “Dente de ouro”, operou no Val do Límia, de onde eram a imensa maioria dos combatentes e colaboradores/as.
A obra de Román Alonso Santos também estuda, em base a umha sistemática e rigorosa investigaçom de campo e entrevistas a dúzias de vizinh@s, as consequências da brutal repressom implementada polas novas autoridades fascistas e falangistas contra militantes e simpatizantes da Frente Popular e organizaçons políticas e sindicais, após vitória do golpe de estado de 18 de julho de 1936.