Modesta vitória antifascista
25 de Abril, data de tam profundo caráter antifascista, reproduzimos as páginas 122 e 123 da ata da sessom ordinária do Plenário da Deputaçom Provincial de Ourense, de 23 de fevereiro do ano em curso, onde se recolhe a pergunta do PSOE e resposta do presidente da instituiçom provincial, à anunciada publicaçom do livro sobre Eugenio Montes.
Sem lugar a dúvidas a pressom do Comité pola Memória Histórica do Val do Límia e do Comité da Memoria Histórica da Comarca de Celanova denunciando que o livro de Manuel Rivero incumpria a Lei da Memória Histórica Democrática em vigor desde outubro de 2022, logrou os seus frutos.
Da resposta de Luis Menor concluimos que o livro foi editado mas nom vai ser de momento distribuído nas livrarias por razons óbvias: é umha hagiografia do fascismo.
Como pensa solucionar a Deputaçom de Ourense o esbanjamento dos 11.190.64€ públicos investidos na ediçom dos 400 exemplares?
Agora cumpre que Sandra Quintas, alcaldesa do Concello de Bande retire com a maior celeridade, da praça de S. Roque, o busto do fundador de Falange e teórico fascista.