Objetivos do CMHVL

O Comité pola Memória Histórica do Val do Límia nasce cos objetivos:

  • Resgatar do esquecimento a biografia de centenares de vizinhos e vizinhas do Val do Límia, recuperando o seu legado mediante um exercício de memória coletiva visado a resignificar factos históricos, entendendo a verdade como umha forma de reparaçom das vítimas da repressom fascista.
  • Honrar a tod@s aqueles vizinh@s que contribuírom ao desenvolvimento dos concelhos de Bande, Entrimo, Lobeira, Lóvios e Moinhos, da comarca do Val do Límia, a paliar o atraso e empobrecimento, que exercérom solidariedade e contribuírom a melhorar as condiçons de vida e a auto-estima dos setores mais humildes e oprimidos, xa que:
    • Na década dos anos trinta fôrom determinantes em implementar no seu espaço geográfico de atuaçom os direitos e liberdades individuais e coletivas, emanados dos avanços legais e jurídicos da II República espanhola.
    • Cumprírom um rol determinante na auto-organizaçom popular da época, promovendo o associacionismo agrário e os mecanismos de autodefesa, frente aos abusos dos poderosos [Igreja, caciques].
    • Temos um dívida com todos eles, com todas elas. Por dignidade coletiva é hora de repararmos o sofrimento, a dor e a humilhaçom padecida por muita gente que embora lamentavelmente já nom nos acompanham.
  • O Comité pola Memória Histórica do Val do Límia [CMHVL] tem como objetivos investigar, recuperar, divulgar, clarificar e evitar que a lousa da esquecimento furte às novas geraçons do conhecimento dumha das etapas históricas mais brilhantes da nossa história comtemporánea.
  • Denunciar as nefastas consequências que o franquismo supujo para as condiçons de vida do povo trabalhador do Val do Límia.
  • Denunciar o branqueamento do franquismo em curso, e a deriva autoritária do regime atual, continuaçom dos 40 anos de ditadura.