Antifascistas de Moinhos serám homenageados em 2023
O Comité pola Memória Histórica do Val do Límia acordou render homenagem a todos os antifascistas de Moinhos executados e represaliados polo fascismo.
A iniciativa terá lugar em Mugueimes na tarde do Domingo 17 de setembro de 2023.
Deste jeito, continuaremos a tarefa iniciada na curva de Fontaboa 14 de setembro de 2019, na ponte de Boado e Güimil [30 de agosto de 2020], nas proximidades do poço do Inferno, Lobeira [28 de agosto de 2021], em Ferreiros, Entrimo [28 de agosto de 2022], sinalizando os lugares da memória e da infâmia.
Chantaremos um monólito de granito, inspirado num menir, da autoria do mestre canteiro Diego Currás, num espaço público que divulgaremos quando tenhamos autorizaçom municipal para a sua instalaçom.
O monumento, similar na sua composiçom ao da curva de Fontaboa, levará gravados os nomes das quatro vítimas que temos confirmadas:
·Benito Valencia Bouza, tenente de alcaide de Moinhos e Secretário do Sindicato Campesinho de Souto, vizinho de Güimil, executado na Ponte do Boado 1 de agosto de 1936.
·Lisardo Rodríguez León, guarda florestal, vizinho do Agrelo, executado na Rola, nas proximidades da ponte do Poldrado, 18 de agosto de 1936.
·José Álvarez Fernández, membro da diretiva do Sindicato Campesinho de Souto, vizinho de Güimil, executado nas touças de Sam Pedro, 14 de setembro de 1936.
·Lino Tejada Rodríguez, penúltimo Governador Civil do Alacant republicano, vizinho de Mugueimes, fusilado en Jaén 20 de setembro de 1940.
Nesta ocasiom, tal como figemos em 2020 em Güimil, na casa familiar de Benito Valencia Bouza, sinalizaremos os lugares da memória e da infâmia das vítimas que temos constatadas.
-Placa de bronce na casa familiar de Lisardo Rodríguez León e placa sinalando o lugar da sua execuçom na Rola, nas proximidades da desaparecida ponte do Poldrado.
-Placa sinalando o lugar da execuçom de José Álvarez Fernández nas touças de Sam Pedro de Moinhos.
-Placa de bronce na casa familiar de Lino Tejada Rodríguez em Moinhos.
-Placa de bronce na antiga Casa do Concelho [atual Casa da Cultura], onde exerceu Benito Valencia Bouza de Tenente de Alcaide.
Apelamos e solicitamos toda informaçom que nos permita identificar mais vítimas.
Iniciamos as tarefas de investigaçom, logísticas e organizativas para assegurar o êxito do merecido reconhecimento e tributo.
·Entre as diversas iniciativas que acompanharam o ano 2023 dedicado a Moinhos, será editado o livro intitulado ‘Moinhos republicano e antifascista’, a publicaçom nº 6 do Comité pola Memória Histórica do Val do Límia.
Organizaremos o 5º e 6º Roteiro dos fugidos entre Entrimo e Castro Laboreiro na primavera, e entre as Maus de Salas e Tourém no último domingo de setembro.