90 aniversário da proclamaçom da I República Galega

25 de junho de 1931 tivo lugar em Ourense a proclamaçom da I República Galega. Ao igual que noutras localidades do país [Póvoa de Seabra, Compostela, Carvalhinho], foi consequência do atraso e permanente aldraje centralista que tinha paralisado as estratégicas e vitais obras do caminho de ferro Corunha-Compostela-Ourense-Samora .
Ourense adiantou-se um par de dias à greve geral de orientaçom revolucionária promovida polo proletariado galego, que posteriormente -27 de junho de 1931- na capital da Galiza também declara o Estado Galego.
A proclamaçom da independência nacional foi efémera pola hábil e veloz manobra do governo provisório republicano espanhol de Niceto Alcalá Zamora, reiniciando as obras do ferrocarril, e portanto desativando o desenvolvimento do movimento insurrecional. Porém, Antom Alonso Rios é nomeado primeiro presidente da Junta Revolucionária da República Galega numha jornada de indiscutível releváncia histórica, que a historiografia deliberadamente continua ocultando.
Posteriormente umha nova paralisaçom das obras do ferrocarril polo ministro Indalecio Prieto [PSOE] provoca um novo movimento grevista. Entre 21 e 26 de março de 1932 tem lugar em Ourense, Carvalhinho e Verim, e em menor medida noutras comarcas galegas como a Póvoa de Seabra onde mesmo se solicitava a anexom a Ourense, umha contínua agitaçom de rua, com barrricadas e cortes de postes de telefones e telégrafos, acompanhados de greve geral em boa parte dos setores produtivos. Fôrom permanentes os confrontos com as forças policiais, provocando polo menos a morte de Jenaro Ortiz Neira, jovem abatido na praça Maior de Ourense por disparos da Guarda Civil.
[Foto: povo trabalhador ocupando a rua do Progresso, diante do Governo Civil, edifício que atualmente acolhe a Deputaçom Provincial].
Xuño 25, 2021