Próximo domingo homenagem de Moinhos à última Corporaçom Municipal republicana
O vindouro domingo 19 de novembro às 13 horas, terá lugar em Mugueimes umha homenagem institucional a Demetrio Seoane González, último alcalde republicano de Moinhos, e a Benito Valencia Bouza, Segundo Tenente de Alcalde de Moinhos, entre 21 de março e 24 de julho de 1936.
A homenagem organizada polo Concelho de Moinhos e o Comité pola Memória Histórica do Val do Límia, consistirá na inauguraçom solene dumha placa de bronze na fachada da atual Casa da Cultura, edifício que na altura de 1936 albergava o Concelho.
Intervirám o alcalde Plácido Álvarez Dobaño, José Benito Rodríguez Valencia, neto de Benito Valencia Bouza, e Carlos Morais, presidente do Comité pola Memória Histórica do Val do Límia.
Com esta iniciativa som sentadas as bases para saldar umha dívida pendente com a última Corporaçom Municipal republicana, avançando na plena restituiçom e reconhecimento institucional das vítimas da barbárie fascista no concelho de Moinhos.
[Foto: Concelho de Moinhos em 1961, atualmente Casa da Cultura]