Ourense proclamou em 1931 a República Galega

Na tarde do dia 26 de junho de 1931 é tomado o Governo Civil de Ourense polas massas que tinham aderido à greve geral.
A paralisaçom das obras do caminho de ferro Corunha-Compostela-Ourense-Samora polo governo da recentemente instaurada II República espanhola, provocou um movimento popular que solicitava o seu imediato reinício a Niceto Alcalá-Zamora.

Mas foi na tarde do dia 27 de junho de 1931 quando no Concelho de Compostela é proclamado o Estado Galego, sendo nomeado Antom Alonso Rios presidente da Junta Revolucionária Galega.

A nossa primeira República foi efémera, pois Madrid num veloz movimento tático corrigiu a decisom de paralisar as obras provocando a dissoluçom do movimento popular.

Porém, 26 e 27 de Junho é umha data histórica na defesa dos direitos nacionais da Galiza, umha jornada que deve ser recuperada nom desde a nostalgia pitoresca, mas sim como horizonte para construirmos umha sociedade sem exploraçom nem desigualdades, de plenas liberdades individuais e coletivas. Objetivo que só é possível recuperando a nossa soberania nacional.

No 88 aniversário da proclamaçom da 1ª República Galega o Comité pola Memória Histórica do Val do Límia [CMHVL] quer somar-se a esta comemoraçom.

Com toda probabilidade vizinhos e vizinhas da nossa comarca participárom na manhá de 25 de junho de 1931 na toma do Concelho de Ourense proclamando a República Galega. E na tarde de 26 de junho assistírom primeiro à assembleia popular num ateigado Teatro Losada, posteriormente transladada à Alameda perante a afluência de gente, e finalmente na ocupaçom do Governo Civil na rua do Progresso dando vivas a Galiza ceive.

Ao igual que figemos 14 de abril, queremos lembrar e honrar a todas as mulheres e homens que luitárom por umha nova vida e umha nova sociedade. A todos aqueles e aquelas que sem pedir autorizaçom a quem perpetuava o atraso, a discriminaçom, a exploraçom e a opressom, se pugérom maos a obra.
Basicamente a tod@s @s executad@s, reprimid@s, exiliad@s e a quem durante décadas mantivo a resistência e a dignidade antifascista.
Neste junho de ecos republicanos consideramos essencial desmascarar o atual regime postfranquista e a monarquia bourbónica imposta por Franco como umha das tarefas centrais na recuperaçom da memória coletiva. E mais quando sem pudor se desliza face posiçons autoritárias.

Viva a I República Galega e a pola segunda!

Val do Límia, 26 de junho de 2019

Xuño 27, 2019