Campanha unitária antifascista
O Comité pola Memória Histórica do Val do Límia promove umha campanha unitária antifascista conjuntamente com mais sete coletivos antifascistas: Plataforma Antifascista Galega, Acción Antifascista da Corunha, Estudantes Antifascistas, Comité da Memória Histórica da comarca de Celanova, Comité Antifascista de Compostela, Comité Antifascista da Lourinha e Monforte Antifascista.
.
.
Acordamos iniciar umha campanha antifascista unitária visada para alertar, conscienciar e movimentar ao povo trabalhador contra esta grave ameaça.
Manifesto Antifascista Galego
CONTRA O FASCISMO, NEM UM PASSO ATRÁS!
Perante a eclosom do fascismo som horas de amplas unidades, de convergência antifascista.
O fascismo é a ferramenta que historicamente empregou a burguesia em momentos de profundas crises do capitalismo, para fazer frente às luitas populares, endurecer a obediência social e aumentar a exploraçom a que se ve submetido o povo trabalhador.
Para perpetuar-se no poder a oligarquia utilizará o terror e violência para esmagar o movimento operário e os setores populares organizados.
Contrariamente ao relato oficial, no nosso país o fascismo nom finalizou com a morte na cama do ditador, que governou com mao de ferro desde o triunfo do golpe de estado de 18 de julho de 1936. A “transiçom” foi umha simples farsa que maquilhou quarenta anos de franquismo.
Nom estamos frente a um fenómeno conjuntural e passageiro. É necessária umha resposta organizada para evitarmos que se fagam donos das ruas, e incrementem mediante demagogia e populismo os seus apoios entre os setores populares, precarizados e empobrecidos do povo trabalhador.
Desta urgente necessidade histórica as organizaçons, entidades e coletivos antifascistas assinantes, promovemos umha campanha cujos principais objetivos som:
1º- Denunciar e alertar sobre a ameaça fascista e o seu projeto oligárquico e antipopular.
2º- Denunciar as expressons repressivas do regime postfranquista, as suas leis repressivas, as montagens policiais, os tribunais especiais, o ataques e restriçons à liberdade de expressom, organizaçom, reuniom, …
3º- Derrogar as diversas normativas que propiciam o avanço do fascismo: Lei de Amnistia, Lei mordaça, Lei de Partidos, lei de Estrangeiria, Lei geral de Sanidade (15/97), os artigos do Código Penal (Humilhaçom, artigo 578, ódio artigo 510) que vulneram direitos e liberdades básicas, …
4º- Movimentar o povo trabalhador galego contra esta ofensiva reacionária, e na defesa dos direitos e conquistas laborais e sociais ameaçadas.
5º- Proibiçom da exibiçom e exaltaçom de todo tipo de simbologia da ditadura franquista. E supressom de toda a simbologia fascista dos espaços públicos e ruas da Galiza, e das honras, distinçons e privilégios concedidos à hierarquia franquista polas diversas instituiçons.
6º-Avançar na investigaçom e recuperaçom dos bens espoliados durante o franquismo seguindo a linha aberta no caso do Paço de Meirás, e teimar em reclamar a devoluçom da Casa Cornide, das estátuas do Pórtico da Glória e de todos os bens que se vaiam documentando.
7º- Desputar a hegemonia cultural e ideológica entre os setores populares.
Unidade e firmeza para combatermos o vírus fascista!
Nom passarám!
Galiza, 20 de outubro de 2020