1º de Maio antifascista
Neste 1° de Maio, o Comité pola Memória Histórica do Val do Límia quer honrar a memória de todas e todos aqueles que acreditavam que o mundo novo só pode ser construído por e para quem vive do seu trabalho.
Reiteramos que a luita antifascista nom só segue viva e plenamente vigente, é umha urgente necessidade perante o avanço da besta.
A cada vez mais evidente ameaça dos herdeiros e seguidores políticos dos que sementárom morte e terror no Val do Límia após 18 de julho de 1936, exige unidade, mobilizaçom e luita popular para freá-los e derrotá-los.
Hoje queremos lembrar os labregos e trabalhadores que, em diversas localidades do Val do Límia, participárom nas concentraçons e manifestaçons do Dia do Internacionalismo Proletário.
Embora lamentavelmente até o momento nom encontramos registos gráficos, segundo os dados que atualmente temos, podemos confirmar que tivérom lugar em Mugueimes e Bande, sem descartamos que também se tenham realizado noutros lugares de Entrimo, Lobeira e Lóvios.
Mas também aos que acudírom à grandiosa demonstraçom de força e entusiasmo do 1° de Maio de 1936 que percorreu Ourense.
Delegaçons dos sindicatos campesinhos e obreiros das diversas paróquias de Bande, Entrimo, Lobeira, Lóvios e Moinhos, assistírom à manifestaçom da capital provincial para defender as conquistas atingidas no governo da Frente Popular, em perigo polas ameaças do fascismo.