1936-2020 · O Val do Límia nom esquece!

No 84 aniversário do início do holocausto galego, emanado do golpe militar de 18 de julho de 1936, lembramos e divulgamos os dados d@s 29 vizinh@s do Val do Límia executad@s polo fascismo, que temos suficientemente certificado.
Solicitamos colaboraçom a todas aquelas pessoas que poidam achegar informaçom sobre a repressom no Val do Límia. Qualquer dado tem enorme importáncia para a reconstruçom histórica do genocídio iniciado em 1936, que o regime atual segue tentando ocultar.
Nomes de represaliad@s, lugares onde se excutava ou se depositavam cadáveres, fotografias, documentos da época ou qualquer outra informaçom é mui valiosa.
Contata connosco!
Após mais de oito décadas de terem sido assassinad@s polo fascismo, os concelhos do Val do Límia, ainda nom reabilitárom, nem homenageárom a estes vizinh@s, executad@s polo seu compromisso com a causa da liberdade e a justiça social.
Solicitamos aos governos municipais dos Concelhos de Bande, Entrimo, Lobeira, Lóvios, e Moinhos, que aprovem umha resoluçom municipal condenado o golpe de 1936.
O Comité pola Memória Histórica do Val do Límia solicita umha reabilitaçom pública à vizinhança executada polos esquadrons da morte falangistas e as ilegítimas autoridades do novo “Estado franquista”, mediante umha homenagem de reconhecimento .
VIZINHANÇA DO VAL DO LÍMIA ASSASSINADA POLO FASCISMO
·Juan Manuel Álvarez Álvarez “Noches”, 62 anos, lavrador, natural de Nigueiroá [Bande], executado na curva de Fontaboa, 29 de julho de 1936. “Hemorragia interna”.
·Jenaro Alonso Santos, 28 anos, padeiro, natural de Mexide [Bande], assassinado na curva de Fontaboa, 30 de julho de 1936. “Hemorragia interna”.
·Benito Valencia Bouza, 26 anos, natural de Farnadeiros [Moinhos], executado 1 de agosto de 1936 na Ponte do Boado, Ginzo de Límia. “Destruçom da massa cerebral”.
·Manuel Paz Pérez, 26 anos, natural da Devesa de Rio Caldo [Lóvios], executado 7 de agosto de 1936 na Devesa de Rio Caldo. “Disparos”.
·Félix Salgado del Moral, 28 anos, mestre, vizinho de Lobeira, fusilado 18 de agosto de 1936 no campo de tiro de Puente Castro, Leom.
·Juan Salgado Rodríguez, 54 anos, natural do Ribeiro [Bande], executado 29 de agosto de 1936 em Calvos de Bande. “Hemorragia interna”.
·Alfonso Dámaso Rodrigo Méndez, 41 anos, natural de Bande, executado 5 de setembro de 1936.
·Marcelino Guisande López, 22 anos, natural de Bande, executado 7 de setembro de 1936 em Leom.
·José Álvarez Fernández, 35 anos, natural de Vilar de Cas-Soutelo da Límia [Moinhos], executado 14 de setembro de 1936 em Mugueimes, [Moinhos]. “Hemorragia interna”.
·Gumersindo Araújo Sousa “Requicho”, 25 anos, natural do Casal, Ferreiros [Entrimo], jornaleiro, executado 15 de setembro de 1936 no quilómetro 18 da estrada Ginzo-Cela Nova, no Furriolo, concelho da Bola. “Comoçom cerebral”.
·Erundina Álvarez Pérez, 37 anos, natural de Ferreiros [Entrimo], fusilada no campo de Aragom do quartel de Sam Francisco de Ourense, 30 de setembro de 1936.
·Lisardo Rodríguez León, 43 anos, natural do Agrelo [Moinhos], guarda florestal, executado 19 de outubro de 1936 na Rola, na desaparecida estrada Mugueimes-Porto Quintela. “Hemorragia interna e comoçom por disparos”.
·Joaquín Díaz Rodríguez, 29 anos, natural da Póvoa de Lanhoso [Portugal] e vizinho de Cavaleiros, Sam Martinho de Grou [Lobeira], lavrador, executado 6 de dezembro de 1936 em Carris, Santa Cruz de Grou [Lobeira]. “Hemorragia cerebral e fratura craneoencefálica por traumatismos”.
·Benigno Rodríguez Antúnez, 32 anos, natural de Galez [Entrimo], carpinteiro, executado 16 de fevereiro de 1937.
·Arturo Sousa González “Arturo Franco”, 60 anos, natural de Galez [Entrimo], lavrador, executado na costa de Sam Pedro, Galez, Entrimo, 26 de junho de 1937.
·Nicanor Rodríguez Álvarez, 35 anos, natural de Gaiás [Lobeira], carpinteiro ebanista, faleceu no domicílio a causa das sequelas dos maos tratos padecidos durante a sua detençom e prisom, 2 de junho de 1939.
·Lino Tejada Rodríguez, 39 anos, natural de Mugueimes [Moinhos], penúltimo governador civil de Alacant, fusilado 20 de setembro de 1940 em Jaén [Andaluzia].
·Antonio Álvarez Fernández, 38 anos, natural de Bande, executado 26 de setembro de 1939 em Lugo.
·Avelino Pérez Rodríguez, 41 anos, natural de Entrimo, executado no campo de concentraçom de Gusen, 5 de agosto de 1941.
·Francisco Domínguez, 25 anos, natural de Nogueira, Santa Cristina [Lobeira], fusilado no campo de Aragom do quartel de Sam Francisco de Ourense, 20 de outubro de 1941.
·José Fernández Alonso “Gres” ou “Pepe do Quarto”, 33 anos, natural de Nogueira, Santa Cristina [Lobeira], trabalhador da construçom do caminho de ferro, fusilado no campo de Aragom do quartel de Sam Francisco de Ourense, 20 de outubro de 1941.
·Gumersindo Delgado Gallego, 38 anos, natural de Porto Quintela [Bande], lavrador, fusilado no campo de Aragom do quartel de Sam Francisco de Ourense, 20 de outubro de 1941.
·Abilio Álvarez Bernardo, 25 anos, natural de Olelas [Entrimo], executado no campo de concentraçom de Mauthausen, 2 de fevereiro de 1942.
·José Fernández González ”Rizo”, 25 anos, natural de Ferreiros de Baixo [Entrimo], fusilado no campo de Aragom do quartel de Sam Francisco de Ourense, 22 de dezembro de 1942.
·José Bernardo Paz, 30 anos, natural de Rio Caldo-Torneiros [Lóvios], carpinteiro, assassinado no Cruzeiro [Lóvios], 29 de agosto de 1943.
·Esteban Martínez Gómez, 46 anos, natural de Cavaleiros, Sam Martinho de Grou [Lobeira].
·Manuel Costa “Cantarejo”, assassinado de um disparo efetuado desde o exterior quando fazia guarda na prisom de Ourense, … de 1937.
·Benito Feijoó Fernández, natural de Nigueiroá, assassinado no Furriolo.
·Constantino de Castro Rodríguez, 28 anos, natural de Entrimo, fusilado na Catalunha em 1940.
Xullo 17, 2020