Memória Histórica do Val do Límia

No 82 aniversário do início do holocausto galego, emanado do golpe militar de 18 de julho de 1936, atualizamos os dados d@s 13 vizinh@s do Val do Límia executad@s polo fascismo.

Após mais de oito décadas de terem sido assassinad@s polo fascismo, os concelhos do Val do Límia, ainda nom reabilitárom, nem homenageárom a estes vizinh@s, executad@s polo seu compromisso com a causa da liberdade e a justiça social.

Solicitamos aos governos municipais do Concelho de Bande, Concelho de Entrimo, Concelho de Lobeira, Concelho de Lóvios e Concelho de Moinhos que aprovem umha resoluçom municipal condenado o golpe de 1936.

Comité pola Memória Histórica do Val do Límia solicita umha reabilitaçom pública à vizinhança executada polos esquadrons da morte falangistas e as ilegítimas autoridades do novo “Estado franquista”, mediante umha homenagem de reconhecimento .

ViIZINHANÇA DO VAL DO LÍMIA ASSASSINADA POLO FASCISMO

·José Álvarez Fernández, 35 anos, vizinho de Vilar de Cas-Soutelo da Límia, Moinhos, executado 14 de setembro de 1936 em Mugueimes, Moinhos. “Hemorragia interna”.

·Gumersindo Araújo Sousa “Requicho”, 25 anos, vizinho do Casal, Ferreiros, Entrimo, jornaleiro, executado 15 de setembro de 1936 no quilómetro 18 da estrada Ginzo-Cela Nova, no Furriolo, concelho da Bola. “Comoçom cerebral”.

·Joaquín Díaz Rodríguez, 29 anos, vizinho de Cavaleiros, Sam Martinho de Grou, Lobeira, 6 de dezembro de 1936, executado em Carri, Lobeira. “Fratura de cráneo por traumatismos”.

·Esteban Martínez Gómez, 46 anos, vizinho de Cavaleiros, Sam Martinho de Grou, Lobeira.

·Manuel Paz Pérez, 26 anos, vizinho da Devesa de Rio Caldo, Lóvios, executado 7 de agosto de 1936 na Devesa de Rio Caldo. “Disparos”.

·Benigno Rodríguez Antúnez, 32 anos, vizinho de Galez, Entrimo, carpinteiro, executado 16 de fevereiro de 1937.

·Lisardo Rodríguez León, 43 anos, vizinho do Agrelo, Moinhos, guarda florestal, executado 19 de outubro de 1936 na Rola, na desaparecida estrada Mugueimes-Porto Quintela. “Hemorragia interna e comoçom por disparos”.

·Juan Salgado Rodríguez, 54 anos, vizinho do Ribeiro, Bande, executado 29 de agosto de 1936 em Calvos de Bande. “Hemorragia interna”.

·Lino Tejada Rodríguez, 39 anos, vizinho de Mugueimes, Moinhos, penúltimo governador civil de Alacant, fusilado 20 de setembro de 1940 em Jaén [Andaluzia].

·Benito Valencia Bouza, 26 anos, vizinho do concelho de Moinhos, executado 1 de agosto de 1936 na Ponte do Boado, Ginzo de Límia. “Destruçom da massa cerebral”.

·Alberto ….., vizinho de Bande.

·Undina ou Erundina Álvarez Pérez, 37 anos, vizinha de Ferreiros, Entrimo, fusilada no campo de Aragom do quartel de Sam Francisco de Ourense, 30 de setembro de 1936.

“Arturo Sousa González, 60 anos, lavrador, vizinho de Galez, Entrimo, executado na costa de Sam Pedro, Galez, Entrimo, 26 de junho de 1937.

Esta lista é provisória, pois um manto de silêncio e obscuridade tem dificultado até agora recuperarmos da memória individual e familiar a barbárie provocada polo fascismo na nossa comarca.

A lista foi elaborada em base à informaçom do livro de Julio Prada Rodríguez “Ourense, 1936-1939. Alzamento, guerra e represión”, Sada, Ediciós do Castro, 2004, assim como “Saltando a raia. Guerrilla republicana no suroeste ourensán (1939-1943)”, Ponte Areias, Nova do Eixo Atlántico, 2016, de Román Alonso, em combinaçom com as fontes do projeto “Nomes e voces” [http://www.nomesevoces.net/], e da investigaçom que estamos a realizar como Comité pola Memória História do Val do Límia.

Solicitamos colaboraçom a todas aquelas pessoas que poidam achegar informaçom sobre a repressom no Val do Límia. Qualquer dado tem enorme importáncia para a reconstruçom histórica do genocídio iniciado em 1936, que o regime atual segue tentando ocultar.

Nomes de represaliad@s, lugares onde se excutava ou se depositavam cadáveres, fotografias, documentos da época ou qualquer outra informaçom é mui valiosa.

Contata connosco!