Participamos no Colóquio anual da Cátedra da Memória Histórica da Corunha
Umha delegaçom do Comité pola Memória Histórica do Val do Límia participou no Colóquio Anual organizado pola Cátedra de Memoria Histórica UDC.
A jornada desenvolveu-se ao longo do sábado 1 de fevereiro no Salom de Atos do Centro Universitário de Riazor.
Dúzias de investigadores, ativistas do movimento memorialístico antifascista galego e de fundaçons do movimento obreiro, tivérom ocasiom de analisar e expor diversas fasquias dos reptos e desafios da recuperaçom da justiça, verdade e reparaçom das 10 mil vítimas do franquismo e das dezenas de milhares de represaliados.
Agradecemos a Uxio Breogán Dieguez Cequiel -diretor da Cátedra-, a oportunidade de dar a conhecer a história e o objetivos do nosso Comité, e por aceitar a nossa proposta de organizar em 2036 umha homenagem nacional às vítimas galegas do fascismo.
Na intensa jornada houvo ocasiom para a confraternizaçom entre as pessoas assistentes e desfrutar dos acordes de Xosé Constenla
Avaliamos positivamente esta importante iniciativa que vai permitir avançar no imprescindível processo de coordenaçom das iniciativas memorialistas que operamos em diferentes pontos da Galiza.