Monforte de Lemos homenageia ao guerrilheiro Ramón Yañez Pereira
O Concelho de Monforte de Lemos organiza a vindoura segunda-feira 11 de novembro, um ato de homenagem ao guerrilheiro antifascista Ramón Yañez Pereira, natural da cidade do Cabe.
Membro da unidade guerrilheira com base em Castro Laboreiro, dirigida polo ‘Brasileiro’ -que operou no Val do Límia entre 1939-1943-, ‘Enrique’ ou ‘Médico’ morreu em combate 13 de julho de 1943 na Caseta de Ansemil, nas proximidades de Cela Nova.
No ato participará o alcalde de Monforte e Presidente da Deputaçom de Lugo, José Tomé Roca, e o historiador Carlos Morais, presidente do Comité pola Memória Histórica do Val do Límia.
O artista plástico Baldomero Moreiras fará umha apresentaçom do cartaz que honra a memória do guerrilheiro monfortino.
Esta nova homenagem, continuidade da organizada polo Comité pola Memória Histórica da comarca de Cela Nova o passado 14 de julho, será na Casa da Cultura Poeta Lois Pereiro às 20 h.