Memória Histórica do Val do Límia

Nas últimas semanas temos avançado na investigaçom histórica para dotar de suporte científico a homenagem às vítimas do fascismo em Bande, que terá lugar domingo 7 de setembro.

Realizamos várias dúzias de entrevistas, sacamos centos de fotografias do território, debulhamos arquivos, mas ainda nom logramos identificar parte dos familiares das 9 vítimas mortais da barbárie fascista.

Temos recolhido testemunhas da impunidade repressiva do falangismo nos dias e meses posteriores ao 20 de julho de 1936, do pánico gerado entre vítimas e familiares da maioria social republicana que

padecérom todo tipo de tropelias. Mas sabemos que só é a ponta do icebergue do que foi umha violência brutal perfeitamente desenhada para paralisar mediante o terror a maioria da povoaçom do Val do Límia e do conjunto do país.

Seguimos buscando qualquer documento, fotografia ou dado sobre represaliados, sobre o sindicalismo campesinho existente nas principais paróquias em 1936.

Para contribuir a avançar na investigaçom em curso estamos difundindo polas aldeas e lugares do concelho de Bande o cartaz com os nomes das 9 vítimas mortais.

Solicitamos a quem tenha informaçom que contate com o Comité pola Memória Histórica do Val do Límia